Semana do Libro

O día 23 de abril celébrase o Día do Libro. Ao redor desta data realizamos diversas actividades na biblioteca ou nas aulas relacionadas coa escritura e a lectura.

Hoxe compartimos unhas actividades nas que un grupo de secundaria colaborou con compañeiros e compañeiras máis pequenos.

Ata primaria chegaron para ensinarlles a facer un libriño acordeón:

Tamén quixeron acompañar os leonciños e leonciñas para facer uns marcapáxinas:

Nesta actividade tamén colaborou o Equipo de Polos Creativos, que preparou para esta data uns coellos e gravaron a base dos marcapáxinas.

Celebración coa Libraría Cartabón

A Libraría Cartabón, situada moi preto do noso colexio, celebra este ano o seu corenta aniversario. E, con este motivo, agasallounos cun lote de libros marabillosos da Editorial Kalandraka.

Achégate a estas lecturas para seguir soñando!!
 

Festexa con nós o Día do Libro

O Día do Libro celébrase o 23 de abril. Queremos que o festexes con nós compartindo unhas imaxes coma estas:

 

Na actualidade acompáñannos unhas lecturas, pero hai uns anos eran outras. Amósanolas!

Podes participar en solitario, coa túa familia ou con amigos e amigas. Comparte unha imaxe vosa coas portadas das vosas lecturas.

As imaxes podedes facérnolas chegar ao correo: bibliotecaqdl@gmail.com

Novidades da primavera

Compartimos con vós as novidades que temos na biblioteca:

 

Hai narrativa, banda deseñada e libros informativos para diferentes idades. 

Visítanos!

Coñecemos a Biblioteca Xosé Neira Vilas

Esta semana un dos nosos grupos visitou unha das bibliotecas da nosa cidade, a Biblioteca Xosé Neira Vilas.

Alí amosáronlles como está organizada a biblioteca e todas as actividades que se poden facer.

A visita xirou ao redor do tema do libro, así que remataron elaborando cadanseu libro.

Xogamos na biblioteca

Os leonciños e leonciñas viñeron ata a biblioteca a xogar e traballar as emocións.

 

Concurso Novos Talentos de Relato Curto

Esta semana algunhas das nosas alumnas tiveron a oportunidade de participar na XVI edición do Concurso Novos Talentos de Relato Curto, impulsado por Coca-Cola.

 

Quen sabe se nun futuro serán unhas recoñecidas escritoras?