Os leonciños na Biblioteca Xosé Neira Vilas

Moi preto do noso colexio está a Biblioteca Xosé Neira Vilas. Hoxe os nosos leonciños achegáronse ata alí e coñeceron novos libros e seguiron unhas pistas… Seguro que serán uns grandes lectores de novela de misterio!

 

Lemos na biblioteca

Xa sabedes que os nosos  leonciños devecen por vir á biblioteca. Desta volta, achegáronse a unha historia moi especial con El libro negro de los colores. A través das súas páxinas negras e das ilustracións en relevo, descubriron que as cores tamén se poden sentir, ulir, saborear e imaxinar. 

 

Este álbum invítanos a mirar máis alá dos ollos e a empregar todos os sentidos.

Sabes quen é Flanagan?

Traémosvos unhas recomendacións lectoras para quen lle gusten as historias de detectives. En todas elas, o protagonista é Flanagan. Queres coñecelo?

Achégate á biblioteca.

Como medrou o noso tesouro!

Todas as linguas son un tesouro. 

Aquí vos presentamos o último vídeo do proxecto "O tesouro das palabras" impulsado desde a biblioteca e o EDL.

 

Obradoiro de marcapáxinas

Este ano dedícaselle o Día das Letras Galegas a Begoña Caamaño. 

Achégate á biblioteca e decora o teu marcapáxinas.

 

Biblioteca Mulleres de Palabras

Durante este mes, teremos á vosa disposición a biblioteca ambulante Mulleres de Palabras, grazas á Deputación de Pontevedra.

Podedes achegarvos á historia de mulleres relacionadas coa música, coas artes plásticas, coa literatura… E tamén gozar coa súa poesía ou narrativa.

Como medra o noso tesouro!

O noso alumnado segue participando nesta iniciativa impulsada desde o Equipo da Biblioteca e o EDL: O tesouro das palabras.

Nesta aventura as palabras cobran vida. Deixámosvos este vídeo no que demostran que a lingua é un verdadeiro tesouro que cómpre coidar e compartir.

 

E xa vos propoñemos as últimas palabras coas que ides ter que xogar!