Dentro das actividades de Polos Creativos, o alumnado de Infantil achegouse á biblioteca para traballar co xogo de construción Kapla, un material manipulativo que invita a imaxinar, probar e construír.
Exploraron diferentes formas e estruturas, colaboraron entre eles e desenvolveron a creatividade, a concentración e o pensamento espacial.
A través do xogo, descubriron que a biblioteca non é só un lugar para ler, senón tamén un espazo onde aprender facendo.
O 21 de marzo é o Día da Poesía e desde a biblioteca quixemos facer unha pequena homenaxe a Xabier P. Docampo e imitar o seu poema "Eu teño medo".
Aquí vos deixamos unha mostra das creacións do noso alumnado:
Estámoste buscando! Queres ser axudante da biblioteca?
Se estás en secundaria e che gusta colaborar nas actividades da biblio… anímate a participar!
Ven á biblioteca o luns 23 de marzo, ás 12:10 horas.
Os nosos leonciños traballaron ao redor do conto dos tres porquiños. Leron o conto, xogaron ao Woolfy e construíron as súas casas de ladrillo.
Encántanos recibir as vosas colaboracións no proxecto: O tesouro das palabras. Compartímolas con vós para que vos animedes a preparar a vosa intervención.
Non esquezades que imos pola terceira palabra:
maniotas
Moi pronto presentaremos o seguinte termo.
Os nosos leonciños leron Superheroínas e superheroes e comprobaron os superpoderes que teñen as mulleres.
O profesorado do equipo da biblioteca segue formándose para ofrecer o mellor servizo ao seu alumnado. Desta volta, participou no Encontro anual do Plan de Mellora de Bibliotecas Escolares.
Seguimos traballando para que a nosa biblioteca sexa un espazo de lectura, creatividade e innovación.
Esta semana probamos o xogo Porquelandia, de Ledicia Costas. Cada grupo traballou co personaxe e a situación que lle tocou.
Intentaremos crear o noso libro coas propostas do alumnado.
O noso alumnado segue participando nesta iniciativa impulsada desde o Equipo da Biblioteca e o EDL: O tesouro das palabras . Nesta aventura ...
