O noso alumnado segue participando nesta iniciativa impulsada desde o Equipo da Biblioteca e o EDL: O tesouro das palabras.
Nesta aventura as palabras cobran vida. Deixámosvos este vídeo no que demostran que a lingua é un verdadeiro tesouro que cómpre coidar e compartir.
E xa vos propoñemos as últimas palabras coas que ides ter que xogar!
O Equipo da Biblioteca está interesado en coñecer os teus hábitos de lectura e saber que che gustaría atopar na biblioteca do colexio.
Anímaste a participar nesta enquisa?
ENQUISA
Esta semana, na nosa biblioteca, celebramos o Día do Libro tamén escribindo as nosas propias historias. Para iso botamos man do xogo Era unha vez un dominó, de Ledicia Costas.
A través de tarxetas con situacións e personaxes, o alumnado deixou voar a imaxinación para crear novos mundos.
Os nosos leonciños traballaron co álbum Nós estamos aquí, de Oliver Jeffers, con motivo do Día da Terra e o Día do Libro.
Despois experimentaron na mesa sensorial recreando a nosa Terra.
Na ESO están a ler Golpes de luz, de Ledicia Costas. E queren aproveitar esta Semana do Libro para compartir un anaco desta obra:
O 23 de abril celébrase o Día do Libro.
Na biblioteca, durante esta semana o alumnado participou no concurso “Adiviña o título”, e houbo moita curiosidade e ganas de descubrir! Cantos títulos conseguirían adiviñar?
Agora podedes achegarvos á biblioteca e levar algún destes títulos en préstamo.
O tesouro das palabras segue recollendo a participación do alumnado.
O día 23 de abril celébrase o Día do Libro.
Achégate durante esta semana á túa biblioteca e poderás demostrar se es quen de adiviñar os títulos dos libros que che propoñemos en imaxes.
O noso proxecto O tesouro das palabras continúa medrando grazas á participación do alumnado. Queremos compartir unhas novas achegas feitas por varios alumnos e alumnas, que seguen investigando e descubrindo palabras do noso idioma.
Ademais, propoñemos unha nova palabra para explorar:
guindastre
Na nosa cidade son fáciles de atopar. Participa para que o noso tesouro non pare de medrar!
O noso alumnado segue participando nesta iniciativa impulsada desde o Equipo da Biblioteca e o EDL: O tesouro das palabras . Nesta aventura ...
